Félag læknisfræðilegra eðlisfræðinga á Íslandi

Félag læknisfræðilegra eðlisfræðinga á Íslandi var stofnað 9. mars 2023. Stofnmeðlimir eru 16 talsins og koma úr ýmsum áttum en eiga það sameiginlegt að hafa lært og starfað á sviði læknisfræðilegrar eðlisfræði.

​

Læknisfræðileg eðlisfræði er undirgrein hagnýttrar eðlisfræði sem snýr helst að notkun jónandi geislunar í læknisfræðilegum tilgangi en einnig að myndgreiningartækni í víðari skilningi. Jónandi geislun er nýtt bæði til greiningar og meðferðar, t.d. í röntgen- og tölvusneiðmyndatöku, jáeindaskönnun og geislameðferð.

​

Tilgangur félagsins er að styrkja faglegt starf læknisfræðilegra eðlisfræðinga á Íslandi. Önnur markmið félagsins eru að efla þjálfun, menntun og samskipti innan starfsgreinarinnar hér á landi, auk þess að stuðla að innlendu og alþjóðlegu samstarfi innan greinarinnar.

​

Stjórn félagsins var kosin á stofnfundi 9. mars 2023:

​

Hanna Björg Henrysdóttir, deildarstjóri Geislameðferðardeildar Landspítalans (formaður)

Eyjólfur Guðmundsson, Geislavörnum ríkisins (gjaldkeri)

Gauti Baldvinsson, Geislameðferðardeild Landspítalans (ritari)

Edda Lína Gunnarsdóttir, Geislavörnum ríkisins (meðstjórnandi)

Jakobína Marta Grétarsdóttir, Svíþjóð (meðstjórnandi)